ଉତ୍କଳମଣି ସରକାରୀ ପ୍ରାଥମିକ ବିଦ୍ୟାଳୟରେ ପ୍ରବେଶ ଉତ୍ସବ ଓ ଖଡିଛୁଆଁ

ଜଟଣୀ (କାଞ୍ଚନ ଟିଭି/ଆଶୁତୋଷ ରାୟ) ଜଟଣୀ ପୌରାଚଂଳ ଅନ୍ତର୍ଗତ ରାମଚନ୍ଦ୍ରପୁର ବଜାରସ୍ଥିତ ଉତ୍କଳମଣି ସରକାରୀ ପ୍ରାଥମିକ ବିଦ୍ୟାଳୟରେ ଆଜି ପୂର୍ବାହ୍ନରେ ପ୍ରବେଶ ଉତ୍ସବ ଓ ଖଡିଛୁଆଁ ୨୦୨୫ କାଯ୍ୟକୁମ ଆରମ୍ଭ ସହିତ ଶିଶୁବାଟିକାର ଶୁଭାରମ୍ଭ କରାଯାଇଛି ।

ଏହି କାର୍ଯ୍ୟକ୍ରମରେ ବିଦ୍ୟାଳୟର ପ୍ରତିଷ୍ଠାତା ସଂପାଦକ ତଥା ବରିଷ୍ଠ ନୌଟାରୀ ଅବନୀ କୁମାର ରାଉତରାୟ ମୁଖ୍ୟ ଅତିଥି ରୁପେ ଯୋଗ ଦେଇ ସ୍କୁଲରେ ନାମ ଲେଖାଇବାକୁ ଆସିଥିବା ଛାତ୍ରଛାତ୍ରୀ ଓ ସେମାନଙ୍କ ମାଆ ମାନଙ୍କୁ ସ୍ବାଗତ ଜଣାଇବା ସହିତ ପିଲା ମାନଙ୍କୁ ପ୍ରଥମେ ସିଲଟରେ ଖଡି ଛୁଆଁଇଥିଲେ । ଉତ୍କଳମଣି ପଣ୍ଡିତ ଗୋପବନ୍ଧୁ ଦାଶଙ୍କ ନାମରେ ପ୍ରତିଷ୍ଠିତ ଏହି ବିଦ୍ୟାଳୟରେ ଅଧ୍ୟୟନ କରୁଥିବା ଛାତ୍ରଛାତ୍ରୀମାନେ ଉତ୍କଳମୁଣି ଗୋପବନ୍ଧୁଙ୍କ ଆଦର୍ଶରେ ଅନୁପ୍ରାଣିତ ହୋଇ ସମାଜରେ ଏକ ଆଦର୍ଶ ଓ ପରୋପକାରୀ ନାଗରିକ ହୋଇ ବିଦ୍ୟାଳୟର ସୁନାମ ଅର୍ଜନ କରିବେ ବୋଲି ମୁଖ୍ୟ ଅତିଥି ଶ୍ରୀ ରାଉତରାୟ ମାଆ ମାନଙ୍କ ସହଯୋଗ କାମନା କରିଥିଲେ ।

ଏହି କାଯ୍ୟକ୍ରମକୁ ବିଦ୍ୟାଳୟର ଭାରପ୍ରାପ୍ତ ଶିକ୍ଷୟତ୍ରୀ ଟୁଲୁଦେଇ , ଶିକ୍ଷକ କୃଷ୍ଣଚନ୍ଦ୍ର ମହାଭୋଇ, ବିଦ୍ୟାଳୟ ପରିଚାଳନା କମିଟି ଅଧ୍ୟକ୍ଷା ସାଗରିକା ପ୍ରଧାନ, କମିଟି ସଦସ୍ୟ ଜଗମୋହନ ପଟ୍ଟନାୟକ, ମାନିନୀ ବାଘ, ଉର୍ମିଳା ମୁଦୁଲି,କୈଳାଶ ଚନ୍ଦ୍ର ଜେନା, ପୁଷ୍ପଲତା ଦାଶ ପ୍ରମୁଖ ସଦସ୍ୟ ସଦସ୍ୟାମାନେ ପରିଚାଳନା କରିଥିଲେ