ଓଡ଼ିଶାକୁ ସ୍ୱର୍ଣ୍ଣ : ପଦକ

ଭୁବନେଶ୍ୱର(କାଞ୍ଚନଟିଭି)): ଗୁଜରାଟରେ ଚାଲିଥିବା ୩୬ତମ ଜାତୀୟ କ୍ରୀଡ଼ାରେ ମହିଳା ରଗ୍ବୀରେ ଓଡ଼ିଶା ଟିମ୍ ସ୍ୱର୍ଣ୍ଣ ପଦକ ହାସଲ କରିଛନ୍ତି । ଏହାଛଡ଼ା ରାଜ୍ୟର ଦୁଇ ଭାରୋତ୍ତୋଳନକାରିଣୀ ପଦକ ମଧ୍ୟ ଜିତିଛନ୍ତି ।

ଓଡ଼ିଶା ମହିଳା ରଗ୍ବୀ ଟିମ୍ ଫାଇନାଲ୍ ମୁକାବିଲାରେ ମହାରାଷ୍ଟ୍ରକୁ ୨୨-୦ରେ ପରାସ୍ତ କରି ଚାମ୍ପିଅନ୍ ହୋଇଥିଲା । ଅନ୍ୟପଟେ, ମହିଳାଙ୍କ ୪୯ କିଲୋଗ୍ରାମ ବର୍ଗରେ ସ୍ନେହା ସୋରେନ୍ କାଂସ୍ୟ ପଦକ ଜିତିଥିଲେ । ଏହି ବର୍ଗରେ ମିରାବାଇ ଚାନୁ ସ୍ୱର୍ଣ୍ଣ ଓ ସଞ୍ଜିତା ଚାନୁ ରୌପ୍ୟ ପଦକ ଜିତିଥିଲେ । ଏହାପରେ ୫୫ କିଲୋଗ୍ରାମ ବର୍ଗରେ ପ୍ରମିଳା କ୍ରିସାନୀ ମଧ୍ୟ କାଂସ୍ୟ ପଦକ ହାସଲ କରିଥିଲେ । ସେ ମୋଟ୍ ୧୬୭କିଗ୍ରା ଭାର ଉଠାଇଥିଲେ