ଛୋଟ ଏକ ପ୍ରୟାସର ଅଗ୍ନି ବିପନ୍ନଙ୍କୁ ସହାୟତା

ଢେଙ୍କାନାଳ:(କାଞ୍ଚନ ଟିଭି) ଢ଼େଙ୍କାନାଳର ଛୋଟ ଏକ ପ୍ରୟାସ ପରିବାର ଆଗ୍ନିକ ଦୁର୍ଘଟଣାରେ ସର୍ବସ୍ୱାନ୍ତ ହୋଇଥିବା ପରିବାରଙ୍କୁ ଯଥାସାଧ୍ୟ ଆର୍ଥିକ ସହାୟତା ଯୋଗାଇ ଅଛି।

ଆଜି ଢ଼େଙ୍କାନାଳ ଜିଲ୍ଲାର ବାର୍ଷିଙ୍ଗା ଗ୍ରାମରେ ଏକ ଭୟଙ୍କର ଅଗ୍ନି ଜନିତ ଦୁର୍ଘଟଣାରେ ପ୍ରାୟ ଗୋଟିଏ ପରିବାର ସର୍ବସ୍ୱାନ୍ତ ହୋଇଯାଇଥିବା ବେଳେ ଜିଲ୍ଲାର ଅନ୍ୟତମ ପ୍ରତିଷ୍ଠାନ ଛୋଟ ଏକ ପ୍ରୟାସ ପରିବାର ତରଫରୁ ଆଜି ଉକ୍ତ ପରିବାର ମାନଙ୍କୁ କିଛି ପରିମାଣରେ ଆର୍ଥିକ ସହାୟତା, ପିନ୍ଧିବା ପାଇଁ ବସ୍ତ୍ର ସହିତ ରାସନ୍ ସାମଗ୍ରୀ ପିଲାଙ୍କ ପାଠ ପଢା ପାଇଁ ଖାତା, ବହି, ପେନ୍, ପେନ୍ସିଲ ଇତ୍ୟାଦି ଦିଆଯାଇଅଛି।

ଛୋଟ ଏକ ପ୍ରୟାସର ସଭାପତି ଙ୍କ ପ୍ରଚେଷ୍ଟାରେ ଛୋଟ ଏକ ପ୍ରୟାସର କିଛି ସଦସ୍ୟ ପ୍ରମୁଖ ଦୁଃରାବସ୍ଥାରେ ଥିବା ପରିବାର ଲୋକମାନଙ୍କ ନିକଟରେ ପହଂଚି ସେମାନଙ୍କର ଅଭାବ ଅସୁବିଧା ବିଷୟରେ ବୁଝିବା ସହ ଛୋଟ ଏକ ପ୍ରୟାସ ପରିବାର ତରଫରୁ ଆର୍ଥିକ ସହାୟତା ପ୍ରଦାନ କରିଥିଲେ।

ପରବର୍ତି ସମୟରେ ସେମାନଙ୍କର ଦୁର୍ଦ୍ଦଶା ବିଷୟରେ ଉପର ମହଲକୁ ଜଣାଇବା ସହ ଅଧିକ ଆର୍ଥିକ ସହାୟତା ପାଇଁ ଚେଷ୍ଟା କରିବାକୁ ଆଶ୍ୱାସନା ଦେବା ସହିତ ଦୁର୍ଦ୍ଦଶାଗ୍ରସ୍ତ ପରିବାରର ମାନସିକ ଶକ୍ତିର ଅବିଭୃଦ୍ଧି ପାଇଁ ଭଗବାନଙ୍କ ନିକଟରେ ପ୍ରାର୍ଥନା କରିଥିଲେ।