ଦିଲ୍ଲୀ ମଦ ଦୁର୍ନୀତି ମାମଲାରେ ବିଆରଏସ ନେତ୍ରୀ କେ କବିତାଙ୍କୁ ଗିରଫ କଲା ପ୍ରବର୍ତ୍ତନ ନିର୍ଦ୍ଦେଶାଳୟ
ହାଇଦ୍ରାବାଦ:(ଏଜେନ୍ସି) ଦିଲ୍ଲୀ ମଦ ନୀତି ଦୁର୍ନୀତି ମାମଲାରେ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ଶୁକ୍ରବାର ଭାରତ ରାଷ୍ଟ୍ର ସମିତି (ବିଆର୍ଏସ୍) ଏସ୍ଏଲ୍ସି କେ କବିତାଙ୍କୁ ଗିରଫ କରିଛି। ତଦନ୍ତକାରୀ ସଂସ୍ଥାର งด ଟିମ୍ ତାଙ୍କ ହାଇଦ୍ରାବାଦ ସ୍ଥିତ ବାସଭବନରେ ଚଢ଼ାଉ କରିବାର କିଛି ଘଣ୍ଟା ପରେ ବିଆର୍ଏସ୍ ନେତ୍ରୀଙ୍କୁ ଗିରଫ କରାଯାଇଥିଲା। ଆଇନଗତ ପ୍ରକ୍ରିୟା ଶେଷ ହେବା ପରେ କବିତାଙ୍କୁ ତଦନୁ ପାଇଁ ଦିଲ୍ଲୀ ଅଣାଯିବ ବୋଲି ସୂତ୍ରରୁ ଜଣାପଡ଼ିଛି
ତେଲେଙ୍ଗାନାର ପୂର୍ବତନ ମୁଖ୍ୟମନ୍ତ୍ରୀ କେ ଚନ୍ଦ୍ରଶେଖର ରାଓଙ୍କ ଝିଅ କବିତା ଚଳିତ ବର୍ଷ ତଦନ୍ତକାରୀ ଏଜେନ୍ସି ଦ୍ବାରା ଜାରି ହୋଇଥିବା ଅତି କମରେ ଦୁଇଟି ସମନକୁ ଏଡ଼ାଇ ଯାଇଥିଲେ।
ଏହି ମାମଲାରେ ତଦନୁକାରୀ ଏଜେନ୍ସି କବିତାଙ୍କୁ ସମନ କରିପାରିବ ନାହିଁ ବୋଲି ସୁପ୍ରିମ୍କୋର୍ଟଙ୍କ ନିର୍ଦ୍ଦେଶକୁ ଉଦାହରଣ ଦେଇ ୪୫ ବର୍ଷୀୟା ବିଆର୍ଏସ୍ ନେତ୍ରୀ ଜାନୁଆରି ୧୬ ତାରିଖରେ ପ୍ରବର୍ତ୍ତନ ନିର୍ଦ୍ଦେଶାଳୟ ନିକଟରେ ପୁନର୍ବାର ପଚରାଉଚରା ପାଇଁ ହାଜର ହୋଇ ନଥିଲେ।
ତେବେ ପ୍ରବର୍ତ୍ତନ ନିର୍ଦ୍ଦେଶାଳୟ ସୂତ୍ରରୁ ମିଳିଥିବା ସୂଚନା ଅନୁଯାୟୀ, ବିଆର୍ଏସ୍ ନେତ୍ରୀ ଗତବର୍ଷ ସର୍ବୋଚ୍ଚ ନ୍ୟାୟାଳୟରୁ ସାମୟିକ ଆଶ୍ବସ୍ତି ପାଇଥିଲେ ଏବଂ ବର୍ତ୍ତମାନ ଏହା ଆଉ ବୈଧ ନାହିଁ।
ଏହା ପୂର୍ବରୁ ଗତବର୍ଷ ଏହି ମାମଲାରେ କବିତାଙ୍କୁ ତିନିଥର ପଚରାଉଚରା କରାଯାଇଥିଲା ଏବଂ ତଦନ୍ତକାରୀ ଏଜେନ୍ସି ପ୍ରିଭେନସନ୍ ଅଫ୍ ମନି ଲଣ୍ଡରିଂ
ଆକ୍ଟ (ପିଏସ୍ଏଲ୍ଏ) ଅନୁଯାୟୀ ତାଙ୍କ ବୟାନ ରେକର୍ଡ କରିଥିଲା ।
ଅନ୍ୟପକ୍ଷରେ ବିଆରଏସ ଏମଏଲସି କହିଛି ଯେ ସେ କୌଣସି ଭୁଲ କରିନାହାଁନ୍ତି ଏବଂ ଏହା ବଦଳରେ ବିଜେପି ନେତୃତ୍ବାଧୀନ କେନ୍ଦ୍ର ସରକାର ତେଲେଙ୍ଗାନାରେ ‘ବ୍ୟାକ୍ ଡୋର୍’ ପ୍ରବେଶ କରିବା ପାଇଁ କେନ୍ଦ୍ରୀୟ ଏଜେନ୍ସିଗୁଡ଼ିକର ଅପବ୍ୟବହାର କରୁଛନ୍ତି ବୋଲି ଅଭିଯୋଗ କରିଛନ୍ତି।
ଦିଲ୍ଲୀ ମଦ ଦୁର୍ନୀତି ମାମଲାର ଅନ୍ୟତମ ଅଭିଯୁକ୍ତ ଅମିତ ଅରୋରା ପଚରାଉଚରା ବେଳେ କେ କବିତାଙ୍କ ନାମ ନେଇଥିଲେ। ତଦନ୍ତକାରୀ ସଂସ୍ଥା ଅଭିଯୋଗ କରିଥିଲା ଯେ ସାଉଥ୍ ଗ୍ରୁପ୍ ନାମକ ଏକ ମଦ ଲବି ଥିଲା, ଯିଏ ଅନ୍ୟ ଜଣେ ଅଭିଯୁକ୍ତ ବିଜୟ ନାୟାରଙ୍କ ଜରିଆରେ ଆମ୍ ଆଦମୀ ପାର୍ଟି (ଆପ୍)ର ଅନେକ ନେତାଙ୍କୁ ୧୦୦ କୋଟି ଟଙ୍କା ଲାଞ୍ଚ ଦେଇଥିଲା। ପ୍ରବର୍ତ୍ତନ ନିର୍ଦ୍ଦେଶାଳୟ ମଧ୍ୟ ଅଭିଯୋଗ କରିଛି ଯେ ସାଉଥ୍ ଗ୍ରୁପ୍ର ହେଣ୍ତଲର କେ କବିତାଙ୍କ ବ୍ୟବସାୟିକ ସହଯୋଗୀ।
