ନବନିର୍ବାଚିତ ବାର ଆସୋସିଏସନ୍ କର୍ମକର୍ତ୍ତାଙ୍କ ଶପଥ ପାଠ ଉତ୍ସବ ଅନୁଷ୍ଠିତ ହୋଇଯାଇଛି ।

ଜଟଣୀ:(କାଞ୍ଚନଟିଭି/ଆଶୁତୋଷ ରାୟ) ଜଟଣୀ ବାର ଆସୋସିଏସନ୍ ସଙ୍ଘ ପରିସରରେ ଶୁକ୍ରବାର ଜଟଣୀ କୋର୍ଟ ପରିସରରେ ନବନିର୍ବାଚିତ କର୍ମକର୍ତ୍ତା ମାନଙ୍କର ଶପଥ ପାଠ ସମାରୋହ ଅନୁଷ୍ଠିତ ହୋଇଯାଇଛି ।
ଏହି ସମାରୋହରେ ନିର୍ବାଚନ ଅଧିକାରୀ ନବ ନିର୍ବାଚିତ କର୍ମ କର୍ତାମାନଙ୍କୁ ଶପଥ ପାଠ କରାଇଥିଲେ। ନିର୍ବାଚନ ଅଧିକାରୀ ତଥା ଅଧିବକ୍ତା ସାନୁଜ କୁମାର ମିଶ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି। ଏଥିରେ ସହଯୋଗ କରିଥିଲେ ପୂର୍ବତନ ନିର୍ବାଚନ ଅଧିକାରୀ ତଥା ମିଡିଆ ସେଲ୍ ସଂଯୋଜକ ଅକ୍ଷାଂଶୁ ଶେଖର ନାୟକ। ଏହି କାର୍ଯ୍ୟକ୍ରମରେ ବରିଷ୍ଠ ଅଧିବକ୍ତା ସୈଲେନ୍ଦ୍ର କୁମାର ପଟ୍ଟନାୟକ ନବନିର୍ବାଚିତ ଅଧିବକ୍ତା କର୍ମକର୍ତ୍ତାମାନଙ୍କୁ ଅଭିନନ୍ଦନ ଜଣାଇବା ସହ ସେମାନଙ୍କର ପେଷା ଓ ପଦବୀର ମର୍ଯ୍ୟାଦା ରକ୍ଷା ନିମନ୍ତେ ପରାମର୍ଶ ଦେଇଥିଲେ । ଏହି ପରିପ୍ରେକ୍ଷୀରେ ନିର୍ବାଚନ ଅଧିକାରୀ ଶ୍ରୀ ମିଶ୍ର ସଭାପତି ନିରଞ୍ଜନ ପଣ୍ଡା, ଉପ ସଭାପତି ପ୍ରଦୀପ କୁମାର ଜେନା, ସମ୍ପାଦକ ବିଜୟ କୁମାର ମହାପାତ୍ର , କାର୍ଯ୍ୟକାରୀ ସମ୍ପାଦକ ନବୀନ କୁମାର ଭଜରୁପ , କୋଷାଧ୍ୟକ୍ଷ ମାନସ ରଞ୍ଜନ ସୁବୁଦ୍ଧି ଏବଂ କାର୍ଯ୍ୟକାରିଣୀ ସଦସ୍ୟ ବୃନ୍ଦ ଯଥାକ୍ରମେ ଶ୍ରୀମନ୍ତ ମହାପାତ୍ର, ପ୍ରଦୀପ କୁମାର ମହାରଣା, ଋଷିକୁଲ୍ୟା ସାମନ୍ତରାୟ, ଷୌଭାଗ୍ୟ କୁମାର ଜଗଦେବ, ହରପ୍ରସାଦ ବରାଳ ଓ ରଶ୍ମିରଞ୍ଜନ ମହାନ୍ତି ପ୍ରମୁଖଙ୍କୁ ଶପଥ ପାଠ କରାଇଥିଲେ। ଏହି ଶପଥ ଗ୍ରହଣ କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ସଞ୍ଜୟ କୁମାର ମହାପାତ୍ର, ପବିତ୍ର କୁମାର ବଳିଆରସିଂହ, ଶୁଭେନ୍ଦୁ କୁମାର ପଟ୍ଟନାୟକ, ପ୍ରସନ୍ନ ମହାନ୍ତି, ଶୁଭ୍ରାଂଶୁ ଶେଖର ଜେନା, ଦୀପକ କୁମାର ମହାକୁଡ଼, ଅମର ପ୍ରସାଦ ମିଶ୍ର, ପିପିଲି ବାର ଆସୋସିଏସନ୍ ସମ୍ପାଦକ ବସନ୍ତ କୁମାର ପରିଡ଼ା ପ୍ରମୁଖ ଉପସ୍ଥିତ ଥିବାବେଳେ ଅଧିବକ୍ତା ଉମେଶ ଚନ୍ଦ୍ର ମିଶ୍ର କାର୍ଯ୍ୟକ୍ରମକୁ ପରିଚାଳନା ସହିତ ଧନ୍ୟବାଦ୍ ପ୍ରଦାନ କରି ସମସ୍ତ ନବ ନିର୍ବାଚିତ କର୍ମକର୍ତାମାନଙ୍କୁ ଉତରୀୟ ଓ ପୁଷ୍ପଗୁଚ୍ଛ ପ୍ରଦାନ ପୂର୍ବକ ସମ୍ବର୍ଦ୍ଧନା ଜ୍ଞାପନ କରାଯାଇଥିଲା ସଭା ସମାପ୍ତି ଘୋଷଣା କରିଥିଲେ।