ପାଣି ମୁନ୍ଦେ ପାଇଁ ଡହଳବିକଳ

ଭବାନୀପାଟଣା:(କାଞ୍ଚନ ଟିଭି) କୋକସରା ଠାରେ ପାନୀୟ ଜଳ ଯୋଗାଣ ଦାବି ରେ ଜାତୀୟ ରାଜପଥ ୨୬ କୋକସରା ଠାରେ ଶତାଧିକ ମହିଳା ଅବରୋଧ କାରିଥିଲେ । କୋକସରା ଗ୍ରାମରେ ଦିର୍ଘ ୮ ଦିନ ଧରି ପାନୀୟ ଜଳ ଯୋଗାଣ ବ୍ୟାହତ ହେବା ଫଳରେ ପାନୀୟ ଜଳ ନ ପାଇ ଗ୍ରାମବାସୀ ମାନେ ଅସୁବିଧା ର ସମ୍ମୁଖୀନ ହେଉଛନ୍ତି । ଏହାକୁ ପ୍ରତିବାଦ କରି ଆଜି କୋକସରା ବଡପଡା ନିକଟରେ ଶତାଧିକ ମହିଳା ମାନେ ଗରା ବାଲ୍ଟି ରଖି ଜାତୀୟ ରାଜପଥ ଅବରୋଧ କରିଛନ୍ତି । ଫଳରେ ଭବାନୀପାଟଣା ଜୟପୁର ମଧ୍ୟରେ ଗାଡି ଚଳାଚଳ ବ୍ୟାହତ ହୋଇଥିଲା । ରାସ୍ତା ର ଉଭୟ ପାର୍ଶ୍ଵରେ ଗାଡିମୋଟର ଅଟକି ରହିଥିଲା । ସ୍ଥାନୀୟ ସରପଞ୍ଚ ଓ ଆନ୍ଦୋଳନ ମହିଳା ମାନଙ୍କ ସହ ଆଲୋଚନା କରି କୋକସରା ବିଡିଓ ଉତ୍ତମ କୁମାର ବାଗ ସଂଧ୍ୟା ସୁଦ୍ଧା ପାଇପ ଜଳ ଯୋଗାଣ ପ୍ରତିସୄତି ଦେବା ପରେ ଆନ୍ଦୋଳନ ପ୍ରତ୍ୟାହୃତ ହୋଇଥିଲା । ଫଳରେ ଏନ.ଏଚ ୨୬ ଭବାନୀପାଟଣା ଜୟପୁର ମଧ୍ୟରେ ଯାତାୟତ ସ୍ବଭାବିକ ହୋଇଥିଲା ।