ବେଆଇନ୍‌ ଗୁଟ୍‌ଖା ଦୋକାନରେ ଚଢ଼ାଉ

ଫୁଲବାଣୀ :(ବ୍ୟୁରୋ ରିପୋର୍ଟ୍) ବେଆଇନ୍‌ ଗୁଟ୍‌ଖା ଦୋକାନରେ ରେଡ୍‌ । ଫୁଲବାଣୀ ସହର ସମେତ ଜିଲ୍ଲାର ବିଭିନ୍ନ ସ୍ଥାନରେ ଏକକାଳୀନ ଚାଲିଛି ଚଢାଉ । ଖୁଲମ୍‌ଖୁଲା ଗୁଟ୍‌ଖା ବିକ୍ରି କରାଯାଉଥିବା ଅଭିଯୋଗ ପରେ ପ୍ରଶାସନ ପକ୍ଷରୁ ଏପରି ଆକ୍ସନ ନିଆଯାଇଛି ।

ଖବର ଅନୁଯାୟୀ, ବୁଧବାର ଡ୍ରଗ୍ସ ଇନ୍‌ସପେକ୍ଟରଙ୍କ ନେତୃତ୍ୱରେ କର୍ମଚାରୀମାନେ ଜି.ଉଦୟଗିରି ଅଞ୍ଚଳରେ ଥିବା ବିଭିନ୍ନ ଦୋକାନରେ ଚଢାଉ କରିଥିଲେ । ଏହି ଚଢାଉର ଗୁଟ୍‌ଖା ଜବତ କରିବା ସହ ଜରିମାନା ମଧ୍ୟ ଆଦାୟ ହୋଇଛି । ପ୍ରାୟ ୨୧ଟି ଦୋକାନରୁ ତିନି ହଜାର ଟଙ୍କା ଜରିମାନା ଆଦାୟ ହୋଇଥିବା ସୂଚନା ମିଳିଛି । ସେହିପରି ଆଗକୁ ଗୁଟ୍‌ଖା ବିକ୍ରି ନକରିବା ଲାଗି ବ୍ୟବସାୟୀଙ୍କୁ ତାଗିଦ କରିଛି ଟିମ୍‌ । ଏହି ରେଡରେ ସ୍ଥାନୀୟ ପୋଲିସ ସହ ଫୁଡ଼୍‌ ସେଫଟି ଅଧିକାରୀମାନେ ସାମିଲ ଥିଲେ