ରାଉରକେଲା ଠାରେ ଉତ୍କଳ ସାମ୍ବାଦିକ ସଙ୍ଘର ପରିବର୍ଦ୍ଧିତ ରାଜ୍ୟ କାର୍ଯ୍ୟକାରିଣୀ ବୈଠକ

ରାଉରକେଲା:(ବ୍ୟୁରୋରିପୋର୍ଟ)-ଦୀର୍ଘ ଦୁଇ ଦିନ ଧରି ରାଉରକେଲା ଠାରେ ଉତ୍କଳ ସାମ୍ବାଦିକ ସଙ୍ଘର ପରିବର୍ଦ୍ଧିତ ରାଜ୍ୟ କାର୍ଯ୍ୟକାରିଣୀ ବୈଠକ ଅନୁଷ୍ଠିତ ହୋଇଥିବା ବେଳେ ରବିବାର ଅପରାହ୍ନରେ ଉଦଯାପିତ ହୋଇଯାଇଛି।

ସୁନ୍ଦରଗଡ଼ ଜିଲ୍ଲା ରାଉରକେଲା ଠାରେ ଆୟୋଜିତ ଉତ୍କଳ ସାମ୍ବାଦିକ ସଙ୍ଘର ପରିବର୍ଦ୍ଧିତ ରାଜ୍ୟ କାର୍ଯ୍ୟକାରିଣୀ ବୈଠକକୁ ଅତ୍ୟନ୍ତ ଭବ୍ୟ ଏବଂ ସଫଳତାର ସହିତ ଆୟୋଜନ କରିବା ଏବଂ ଓଡ଼ିଶାର ଅନ୍ୟତମ ପର୍ଯ୍ୟଟନ ସ୍ଥଳୀ ପ୍ରାକୃତିକ ସୌନ୍ଦର୍ଯ୍ୟରେ ପରିପୂର୍ଣ୍ଣ ଖଣ୍ଡାଧାର ଜଳପ୍ରପାତର ଅପରୂପ ତଥା ମନୋରମ ଦୃଶ୍ୟକୁ ଉପଭୋଗ କରିବାର ସୁଯୋଗ ସାରା ରାଜ୍ୟର ସାମ୍ବାଦିକ ବନ୍ଧୁ ମାନଙ୍କୁ ଦେଇଥିବାରୁ ସୁନ୍ଦରଗଡ଼ ସଙ୍ଘର ସମସ୍ତ ସଦସ୍ୟଙ୍କୁ ଅଶେଷ ଧନ୍ୟବାଦ।ଉକ୍ତ ସଭାରେ ରାଜ୍ୟ ସଭାପତି ବିଭୁତି ଭୂଷଣ କର,କାର୍ଯ୍ୟକାରୀ ସଭାପତି ପୂର୍ଣ୍ଣଚନ୍ଦ୍ର ନାୟକ, ସାଧାରଣ ସମ୍ପାଦକ ବେଣୁଧର ପଣ୍ଡା, କୋଷଧକ୍ଷ ରାଜନ ଚୌଧୁରୀ,ସୁନ୍ଦରଗଡ଼ ଜିଲ୍ଲା ସଭାପତି ପ୍ରଦୀପ ତ୍ରିପାଠୀ ଏବଂ ସଂଗ୍ରାମୀ ସାମ୍ବାଦିକ ସାଥି ମାନେ ଯୋଗଦେଇଥିଲେ।ଉତ୍କଳ ସାମ୍ବାଦିକ ସଙ୍ଘ ଖୋର୍ଦ୍ଧା ଜିଲ୍ଲା ସଭାପତି ପ୍ରଭାତ କୁମାର ମିଶ୍ର,କାର୍ଯ୍ୟକାରୀ ସଭାପତି ଅଜିତ କୁମାର ସାହୁ,ସଭ୍ୟ ସୁକାନ୍ତ ପରିଡା,କାଳନ୍ଦୀ ବ୍ରହ୍ମାଙ୍କ ସମେତ ରାଜ୍ୟ କୋଣ ଅନୁକୋଣରୁ ଶତାଧିକ ସାମ୍ବାଦିକ ଯୋଗ ଦେଇଥିଲେ।ରାଉରକେଲା ସଙ୍ଘ ପକ୍ଷରୁ ଏଭଳି କାର୍ଯ୍ୟକାରିଣୀ ବୈଠକକୁ ସଫଳୟନ ରୂପ ଦେଇଥିବାରୁ ରାଜ୍ୟ ସଭାପତି ଶ୍ରୀ କର ସାଧୁବାଦ ଜଣାଇଥିବା ସହ ସାମ୍ବାଦିକ ସୁରକ୍ଷା, ପେନସନ,ଇନସୁରାନ୍ସ ରାଶି ବୃଦ୍ଧି,ଅଧିକୃତ ସାମ୍ବାଦିକ ମାନ୍ୟତା ସମ୍ବନ୍ଧରେ ଆଲୋଚନା କରିଥିଲେ।