ରାସ୍ତା ନିର୍ମାଣ ପାଇଁ ଭିତି ପ୍ରସ୍ତର ସ୍ଥାପନ କଲେ ଜଟଣୀ ବିଧାୟକ

ଜଟଣୀ:(କାଞ୍ଚନଟିଭି/ଆଶୁତୋଷ ରାୟ) ବହୁ ପ୍ରତିକ୍ଷିତ ବେଣାପଞ୍ଜରି ଅଁଳାଯୋଡ଼ି- ଛତିପୁର ରାସ୍ତାର ଭିତ୍ତି ପ୍ରସ୍ତର ସ୍ଥାପନ କାର୍ଯ୍ୟକ୍ରମ ଜଟଣୀର ମାନ୍ୟବର ବିଧାୟକ ସୁରେଶ କୁମାର ରାଉତରାୟଙ୍କ କରକମଳରେ ଅନୁଷ୍ଠିତ ହୋଇଯାଇଛି। ଦିନ ୧୧ଟା ସମୟରେ ବିଧାୟକ ସୁରେଶ କୁମାର ରାଉତରାୟଙ୍କ ନିର୍ଦ୍ଦେଶ କ୍ରମେ ବେଣାପଞ୍ଜରି ଗ୍ରାମର ବୟୋଜ୍ୟେଷ୍ଠ ବ୍ୟକ୍ତି ତଥା ସମାଜସେବୀ ମହମ୍ମଦ ହଜବୁଦିନ୍ ନଡ଼ିଆ ଭାଙ୍ଗି ଭିତ୍ତି ପ୍ରସ୍ତର ସ୍ଥାପନ କରିଥିଲେ। ପରେ ପରେ ବିଧାୟକ ଶ୍ରୀ ରାଉତରାୟ ରାସ୍ତା କାମର ଶୁଭାରମ୍ଭ କରିଥିଲେ। ପ୍ରକାଶ ଥାଉକି ୧କୋଟି ୫୨ଲକ୍ଷ ଟଙ୍କା ବିନିମୟରେ ଗ୍ରାମ୍ୟ ଉନ୍ନୟନ ବିଭାଗ ଦ୍ବାରା ନିର୍ମାଣ ହେବାକୁ ଯାଉଥିବା ଏହି ରାସ୍ତା କାମ ଏକ ବର୍ଷ ମଧ୍ୟରେ ସରିବ ବୋଲି ବିଧାୟକ ଘୋଷଣା କରିବା ସହିତ ଏହି ରାସ୍ତାଟି ସମ୍ପୂର୍ଣ୍ଣ ହେଲେ ଆଠଟି ପଞ୍ଚାୟତ ଓ ତିନୋଟି ଜିଲ୍ଲାକୁ ଗମନା ଗମନ ପାଇଁ ସୁବିଧା ହେବ ବୋଲି ତା’ଙ୍କ ବକ୍ତବ୍ୟରେ କହିଥିଲେ।
ଏଥିରେ ଅନ୍ୟ ମାନଙ୍କ ମଧ୍ୟରେ କ୍ୟାପଟେନ ମନ୍ମଥ ରାଉତରାୟ, ଅଶୋକ ମଙ୍ଗରାଜ, ପ୍ରଶାନ୍ତ ବଳିଆରସିଂ, ଶେଖ୍ ଯୁମା ବେଣୁଧର ପାଇକରାୟ, ସୁରେଶ ମହାନା ପ୍ରମୁଖ ଶତାଧିକ କଂଗ୍ରେସ ନେତା ଓ କର୍ମୀ ତଥା ସ୍ଥାନୀୟ ବାସିନ୍ଦା ଯୋଗ ଦେଇଥିଲେ।