‘Stree 2’, ପରଦାକୁ ପୁଣି ଫେରୁଛି
ମୁମ୍ଵାଇ: ଶ୍ରଦ୍ଧା କପୁର ଏବଂ ରାଜକୁମାର ରାଓଙ୍କ ଯୋଡି ପୁଣି ଫେରୁଛି। ଏହି ହରର-କମେଡି ସ୍ତ୍ରୀ’ର ପାର୍ଟ-୨ ପୁଣି ଥରେ ବଡ ପରଦାକୁ ଫେରୁଛି। କିନ୍ତୁ ଏଥର ‘ସ୍ତ୍ରୀ’ ଦର୍ଶକଙ୍କୁ ଏକ ନୂଆ ଟ୍ଵିଷ୍ଟ ସହିତ ସରପ୍ରାଇଜ୍ ଦେବ। ଫିଲ୍ମକୁ ନେଇ ଅନେକ ଅପଡେଟ୍ ସାମ୍ନାକୁ ଆସୁଛି। କୁହାଯାଉଛି କି ଏଥିରେ ଏବେ ଜଣେ ନୂଆ ଅଭିନେତାଙ୍କ ଏଣ୍ଟ୍ରି ହୋଇପାରେ । କିନ୍ତୁ କିଏ ସେ ଅଭିନେତା ଚାଲନ୍ତୁ ଜାଣିବା।
୨୦୧୮ରେ ମୁକ୍ତିଲାଭ କରିଥିବା ବ୍ଲକବଷ୍ଟର ହିଟ୍ ଫିଲ୍ମ ‘ସ୍ତ୍ରୀ’ର ପ୍ରଶଂସକଙ୍କ ପାଇଁ ଏକ ଖୁସି ଖବର ଅଛି । ଏହି ଚଳଚ୍ଚିତ୍ରର ନିର୍ମାତା ଫିଲ୍ମର ପାର୍ଟ-୨ର ସୁଟିଂ ଖୁବ୍ ଶୀଘ୍ର ହୋଇପାରେ । ଏହି ଚଳଚ୍ଚିତ୍ର ସହିତ ଜଡିତ ସୁତ୍ର ଗୁଡିକ ସ୍ତ୍ରୀ ର ପାର୍ଟ-୨ ବିଷୟରେ ପିଙ୍କଭିଲ୍ଲା ୱେବସାଇଟକୁ ଅନେକ ଅପଡେଟ୍ ଦେଇଛନ୍ତି । ସୂଚନାନୁସାରେ, ଖୁବ୍ ଶୀଘ୍ର ଏହି ଚଳଚ୍ଚିତ୍ରର ନିର୍ଦ୍ଦେଶକ ଅମର କୌଶିକ ପାର୍ଟ-୨ ପାଇଁ ପ୍ରସ୍ତୁତି ଆରମ୍ଭ କରିପାରନ୍ତି। ଖବର ଅଛି ଯେ ‘ଭେଡିଆ’ ଫିଲ୍ମ ପରେ ସେ ଏବେ ‘ସ୍ତ୍ରୀ-୨’ ପାଇଁ ପ୍ରସ୍ତୁତି ଆରମ୍ଭ କରିଛନ୍ତି।
‘ଭେଡ଼ିଆ’ର ଏକ ନୂଆ ଗୀତ’ ଠୁମକେଶ୍ଵରୀ ‘ରିଲିଜ ହୋଇଛି। ଏହି ଗୀତଟିରେ ବରୁଣ ଧାୱନ ଏବଂ କ୍ରିତି ସାନନଙ୍କୁ ଦେଖିବାକୁ ମିଳିଛି। କେବଳ ଏତିକି ହିଁ ନୁହେଁ ଗୀତରେ ଶ୍ରଦ୍ଧା କପୁରଙ୍କୁ ସ୍ତ୍ରୀ ଲୁକ୍ରେ ଏଣ୍ଟ୍ରି କରି ଦର୍ଶକଙ୍କୁ ଚକିତ କରି ଦେଇଛନ୍ତି। ବର୍ତ୍ତମାନ ଚଳଚ୍ଚିତ୍ରର ସୂତ୍ର ଅନୁଯାୟୀ, ବରୁଣ ଧାୱନଙ୍କ କ୍ୟାମିଓ ରୋଲ୍ ସ୍ତ୍ରୀ-୨ରେ ନଜର ଆସିବେ। ଆଲୋଚନା ହୋଇଛି ଯେ ଖୁବ୍ ଶୀଘ୍ର ବରୁଣ ସ୍ତ୍ରୀ-୨ ପାଇଁ ସୁଟିଂ କରିବାକୁ ଯାଉଛନ୍ତି।
