ପ୍ରମିଳା ସିଂହଙ୍କୁ ବିଶ୍ୱ ପରିବେଶ ଦିବସରେ ପ୍ରକୃତି ବନ୍ଧୁ ପୁରସ୍କାର ।

କଟକ:(କାଞ୍ଚନଟିଭି) ମାହାଙ୍ଗା ବ୍ଲକ ଅନ୍ତର୍ଗତ କଇଥା ପଞ୍ଚାୟତର ଗୌଡ଼ପାଟଣା ଗାଆଁର ସୁଶ୍ରୀ ପ୍ରମିଳା ସିଂହ । ଓଡିଶା ସରକାରଙ୍କ ଜଙ୍ଗଲ ଓ ପରିବେଶ ବିଭାଗରୁ ପ୍ରକୃତି ସଂରକ୍ଷଣ ଓ ପରିବେଶ ସୁରକ୍ଷା କ୍ଷେତ୍ରରେ ଉଲ୍ଲେଖନିୟ କାଯ୍ୟ ପାଇଁ ଜିଲ୍ଲା ସ୍ତରୀୟ ବିଶ୍ୱ ପରିବେଶ ଦିବସ ସମାରୋହ ଉତ୍ସବରେ ମୁଖ୍ୟ ଅତିଥି ଡେ଼ପୁଟି ଜିଲ୍ଲାପାଳ ଅଳକାରାଣୀ ଦେବତା ଠାରୁ ପ୍ରକୃତି ବନ୍ଧୁ ପୁରସ୍କାର ଏବଂ ଦଶ ହଜାର ଟଙ୍କା ଅର୍ଥ ରାଶି ଗ୍ରହଣ କରିଛନ୍ତି,ସୁଶ୍ରୀ ପ୍ରମିଳା ସିଂହ ୨୦୦୯ରେ ସଡ଼କ ଦୁର୍ଘଟଣାରେ ଚାଳିବା ଶକ୍ତି ହରାଇ ସବୁଦିନ ପାଇଁ ସକ୍ଷମରୁ ଅକ୍ଷମ ହୋଇ ଯାଇଥିଲେ ୨୦୧୪ରେ ସେ ସମାଜ ସେବାରେ ନିଜକୁ ନିୟୋଜିତ କରିବା ସହ ପରିବେଶ ସୁରକ୍ଷା ଏବଂ ସଂରକ୍ଷଣ କ୍ଷେତ୍ରରେ କାଯ୍ୟ ଜାରିରଖିଛନ୍ତି,ସାମାଜିକ ଅନୁଷ୍ଠାନ ସମ୍ଭବ ଚାରିଟେବୁଲ ଟ୍ରଷ୍ଟ ଗଢ଼ି ମାହାଙ୍ଗା ଅଞ୍ଚଳର ଯୁବ ପିଢ଼ିଙ୍କୁ ଟ୍ରଷ୍ଟ ସହ ଜଡ଼ିତ କରି ସମାଜର ମଙ୍ଗଳ ନିମନ୍ତେ ସୁନ୍ଦର ସେବା କାର୍ୟ୍ଯ କରନ୍ତି ସମାଜ ପାଇଁ ନିଜର କର୍ତ୍ତବ୍ୟକୁ ଠିକି ରୂପେ ନିଭାଇ ଆସୁଛନ୍ତି,ଏହି ପୁରସ୍କାର ପାଇଁ ସେ ପିତା,ମାତାଙ୍କ ପ୍ରେରଣା ଏବଂ ସହଯୋଗୀଙ୍କୁ କୃତଜ୍ଞତା ଜଣାଇଛନ୍ତି,ପ୍ରମିଳା ଦିବ୍ୟାଙ୍ଗ ହୋଇବି ନିଜର ଇଚ୍ଛା ଶକ୍ତି ଦୃଢ଼ ମନୋବଳ ପାଇଁ ସାଜିଛନ୍ତି ଆଜିର ଯୁବ ପିଢ଼ି ଓ ସମାଜ ପାଇଁ ଉଦାହରଣ ପ୍ରମିଳା ଆଜିର ଏହି ସମ୍ମାନ ପାଇଁ ଅଞ୍ଚଳ ବାସୀଙ୍କ ଓ ସୁମିତ୍ରା ସାହୁ,ପ୍ରିୟଙ୍କା ବିଶ୍ୱାଳ,ମଙ୍ଗୁ ସାହୁ,ରୋଜାଲିନ ସାମଲ ରବିନ୍ଦ୍ର ସାହାଣୀ ଓ ସମ୍ଭବ ଟ୍ରଷ୍ଟପରିବାରର ତରଫରୁ ଶୁଭେଚ୍ଛା ଅଭିନନ୍ଦନ ଓ ପ୍ରଶଂସା ଜଣାଇଛନ୍ତି ।