ସମାଜବାଦୀ ନେତା ସୁଶାନ୍ତ ମହାନ୍ତିଙ୍କ ୨୨ ତମ ଶ୍ରାଦ୍ଧ ଦିବସ ପାଳିତ

ଜଟଣୀ:(କାଞ୍ଚନ ଟିଭି/ଆଶୁତୋଷ ରାୟ) ସମାଜବାଦୀ ନେତା ତଥା ଜଟଣୀର ଲଢ଼ୁଆ ସଂଗ୍ରାମୀ ସାଥୀ ସ୍ବର୍ଗତ ସୁଶାନ୍ତ ମହାନ୍ତି (ବୁଲୁ) ଙ୍କ ୨୨ ତମ ଶ୍ରାଦ୍ଧ ଦିବସ ଆଜି ସନ୍ଧ୍ୟାରେ ସ୍ଥାନୀୟ ପ୍ରାଣନାଥ ପଟ୍ଟନାୟକ ଫାଉଣ୍ଡେସନ ଓ ଜଟଣୀ ବରିଷ୍ଠ ନାଗରିକ ସେବା ସଙ୍ଘ ମିଳିତ ଆନୁକୂଲ୍ୟରେ ବରିଷ୍ଠ ନାଗରିକ ସେବା ସଙ୍ଘ କାର୍ଯ୍ୟାଳୟରେ ଅନୁଷ୍ଠିତ ହୋଇଯାଇଛି। ବରିଷ୍ଠ ନାଗରିକ ସେବା ସଙ୍ଘ ସଭାପତି ଅବନୀ କୁମାର ରାଉତରାୟଙ୍କ ପୌର ହିତ୍ୟରେ ଅନୁଷ୍ଠିତ ଏହି ଶ୍ରାଦ୍ଧ ସଭାରେ ବରିଷ୍ଠ ଶିକ୍ଷକ ନେତା ତ୍ରିନାଥ ସାମନ୍ତରାୟ ,ପୁର୍ବତନ ସରପଞ୍ଚ ଦିବାକର ମଙ୍ଗରାଜ , ଶିକ୍ଷକ ନେତା ଗଗନ ଚନ୍ଦ୍ର ମଙ୍ଗରାଜ, ପୂର୍ବତନ ସରପଂଚ ଜ୍ଞାନ ରଂଜନ ବଳିଆରସିଂହ, ଜଟଣୀ ବିକାଶ ପରିଷଦ କାର୍ଯ୍ୟକାରି ସଭାପତି ରାଜେନ୍ଦ୍ର ପ୍ରସାଦ ପଟ୍ଟନାୟକ ବିଶିଷ୍ଟ ଯୁବ ସଂଗଠକ ଅରୁଣ କୁମାର ମହାନ୍ତି ଜଟଣୀ ବିଜେଡି ଆଇନ୍ ସେଲ ଉପଦେଷ୍ଟା ତଥା ସାମ୍ୱାଦିକ ଆଶୁତୋଷ ରାୟ
ପ୍ରମୁଖ ଏହି କାର୍ଯ୍ୟକ୍ରମରେ ଯୋଗ ଦେଇ ଜଟଣୀ ତଥା ଓଡ଼ିଶାର ବିଭିନ୍ନ ଅଂଚଳର ଗରୀବ, ଖଟିଖିଆ, ମୂଲିଆ, ଉଠା ଦୋକାନୀ ମାନଙ୍କର ସମସ୍ୟାର ସମାଧାନ ପାଇଁ ଜୀଵନ ସାରା ଲଢେଇ ଜାରି ରଖିଥିଲେ ବୋଲି କହିଥିଲେ। ୧୯୨୫ ମସିହା ଜରୁରୀ ପରିସ୍ଥିତିକୁ ବିରୋଧ କରି ୧୯ ମାସ କାରାବରଣ କରିଥିଲେ ବୋଲି ବକ୍ତାମାନେ ତାଙ୍କର ସ୍ମୃତି ଚାରଣ କରିଥିଲେ।