ତୃତୀୟ ଟି-୨୦, ସିରିଜ୍ ସୁଇପ୍ ଲକ୍ଷ୍ୟରେ ଭାରତ ; ଭାରତ – ଶ୍ରୀଲଙ୍କା
ଦାମ୍ବୁଲା: ଶ୍ରୀଲଙ୍କାକୁ ପ୍ରଥମ ଦୁଇଟି ମ୍ୟାଚ୍ରେ ହରାଇ ଭାରତ ସ୍ଥାନୀୟ ପାଲିକଲ ଅନ୍ତର୍ଜାତୀୟ ଷ୍ଟାଡିୟମ୍ରେ ଚାଲିଥିବା ୩ ମ୍ୟାଚ୍ ବିଶିଷ୍ଟ ଟି-୨୦ ସିରିଜ୍ରେ ଆଗୁଆ ବିଜୟୀ ହୋଇଛି। ଏହି ସିରିଜ୍ର ତୃତୀୟ ତଥା ଶେଷ ମ୍ୟାଚ୍ ଆସନ୍ତାକାଲି ଏଠାରେ ଖେଳାଯିବ। ଏହି ମ୍ୟାଚ୍ରେ ବିଜୟୀ ହୋଇ ଭାରତ ୩-୦ରେ ସିରିଜ୍ ଜିତିବା ସହ କ୍ଲିନ୍ ସୁଇପ୍ ଲକ୍ଷ୍ୟରେ ରହିଛି। ସୂର୍ଯ୍ୟକୁମାର ଯାଦବଙ୍କ ନେତୃତ୍ୱରେ ଗଠିତ ଭାରତୀୟ ଦଳ ନିଶ୍ଚିତ ଭାବେ ପ୍ରତିଦ୍ୱନ୍ଦ୍ୱୀ ଶ୍ରୀଲଙ୍କା ଅପେକ୍ଷା ଭଲ ଖେଳ ପ୍ରଦର୍ଶନ କରିଛି। ଏଣୁ ଦଳ ଶେଷ ମ୍ୟାଚ୍ରେ ବିଜୟୀ ହେବ ବୋଲି ଆଶା କରିବା ସ୍ୱାଭାବିକ୍।
ବ୍ୟାଟିଂ ହେଉ ଅବା ବୋଲିଂ ଭାରତର ପ୍ରଦର୍ଶନ ଠିକ୍ଠାକ୍ ରହିଛି। କିନ୍ତୁ ଶ୍ରୀଲଙ୍କା ଟପ୍ ଅର୍ଡର ବ୍ୟାଟରଙ୍କ ବିପକ୍ଷରେ ଭାରତୀୟ ବୋଲର ସଂଘର୍ଷ କରିବା। ଏହି ୩ ଜଣ ଟପ୍ ଅର୍ଡର ବ୍ୟାଟରଙ୍କୁ ପାଭିଲିୟନ ପଠାଇଦେଲେ ଶ୍ରୀଲଙ୍କାର ପ୍ରତିରୋଧ ଶେଷ ହୋଇଯାଉଥିବା ପ୍ରଥମ ଦୁଇଟି ମ୍ୟାଚ୍ରୁ ଜଣାପଡ଼ିଛି। ଭାରତ ବିପକ୍ଷରେ ଲଢେ଼ଇ କରିବାକୁ ହେଲେ ଦଳର ମିଡଲ ଅର୍ଡର ବ୍ୟାଟିଂକୁ ସଜାଡିବାକୁ ହେବ। ନଚେତ ଭାରତକୁ ମୁକାବିଲା କରିବା ସମ୍ଭବ ହେବ ନାହିଁ। ଭାରତୀୟ ଦଳର ବ୍ୟାଟିଂ ବେଶ ଦୃଢ଼ ରହିଛି ଓ ପ୍ରଥମ ଦୁଇଟି ମ୍ୟାଚ୍ରେ ଦୃଢ଼ ପ୍ରଦର୍ଶନ କରିଛନ୍ତି। ଏଣୁ ବ୍ୟାଟିଂକୁ ନେଇ ଭାରତ ଚିନ୍ତିତ ନୁହେଁ। ଶୁବମାନ ଗିଲ ଫିଟ୍ ହେଲେ ତୃତୀୟ ମ୍ୟାଚ୍ ଖେଳିବେ, ନଚେତ ସଞ୍ଜୁ ସାମସନଙ୍କୁ ଶେଷଥର ସୁଯୋଗ ମିଳିବ।
