PCR ଭ୍ୟାନ ପ୍ରଦାନ କଲା ନାଲକୋ

ଭୁବନେଶ୍ୱର:(କାଞ୍ଚନ ଟିଭି) ରାଜଧାନୀରେ ପୂଜା ପୂର୍ବରୁ ଗଡ଼ିଲା ୬ଟି ନୂଆ ପିସିଆର। ପାଟ୍ରୋଲିଂ ପାଇଁ ୬ଟି ଅତ୍ୟାଧୁନିକ ପିସିଆର ଭ୍ୟାନ ପ୍ରଦାନ କରିଛି ନାଲକୋ ।
ପୂର୍ବରୁ ଲୋକଙ୍କ ସୁରକ୍ଷାକୁ ଦୃଷ୍ଟିରେ ରଖି କମିଶନରେଟ ପୋଲିସକୁ ସାହାଯ୍ୟ କରୁଥିବା ନାଲକୋ, ଏଥର ପାର୍ବଣ ପୂର୍ବରୁ କମିଶନରେଟ ପୋଲିସକୁ ୬ଟି ପିସିଆର ପ୍ରଦାନ କରିଛନ୍ତି । ଏଥିରୁ ୫ଟି ପିସିଆରକୁ କମିଶନରେଟ ପୋଲିସ ରାଜଧାନୀରେ ପେଟ୍ରୋଲିଂ ପାଇଁ ବ୍ୟବହାର କରିବା ସହ ଗୋଟିଏ ପିସିଆର ଭ୍ୟାନକୁ ନୟାପଲ୍ଲୀ ଥାନାକୁ ପ୍ରଦାନ କରାଯାଇଛି ।
ଏବେ ସୁଦ୍ଧା ନାଲକୋ ତରଫରୁ କମିଶନରେଟ ପୋଲିସକୁ ୫୩ରୁ ଅଧିକ ପିସିଆର ଭ୍ୟାନ ଯୋଗାଇ ଦିଆଯାଇଛି । ଲୋକଙ୍କ ସୁରକ୍ଷା ପାଇଁ ଏହି ପିସିଆର ଗୁଡିକ ବେଶ ଉପଯୋଗୀ ହେବବୋଲି ନାଲକୋ ପକ୍ଷରୁ କୁହାଯାଇଛି । ଏହା ସହ ଆଗକୁ ନାଲକୋ ଅନୁଷ୍ଠନ ପକ୍ଷରୁ CSR ଫଣ୍ଡ ରୁ ଅନେକ ସାହାଯ୍ୟ ସହଯୋଗ ଯୋଗାଇ ଦିଆଯିବ ନେଇ ଲକ୍ଷ୍ୟ ରଖା ଯାଇଥିବା କହିଛନ୍ତି ନାଲକୋର ବରିଷ୍ଠ ଅଧିକାରୀ ।

ପାର୍ବଣ ଋତୁରେ ରାଜଧାନୀରେ ଭିଡ଼ ଦେଖିବାକୁ ମିଳିବ। ତେଣୁ ଭିଡ଼କୁ ନିୟନ୍ତ୍ରଣ କରିବାରେ ସହ ଲୋକଙ୍କୁ କିଭଳି ସାହାଯ୍ୟ ଓ ସହଯୋଗ ଯୋଗାଇ ଦିଆଯାଇ ପାରିବ ସେନେଇ ଗୁରୁତ୍ୱ ଦିଆଯାଉଥିବା କହିଛନ୍ତି ପୋଲିସ କମିଶନର ସୌମେନ୍ଦ୍ର ପ୍ରିୟଦର୍ଶୀ ।