ବେଲଗୁଣ୍ଠା ରେ ୫-ଟି ଅଧ୍ୟକ୍ଷଙ୍କୁ ଟମାଟ ମାଡ଼; ଟମାଟୋ, ଅଣ୍ଡା, ଗୁଳିମାଡକୁ ଭୟ ନାହିଁ: ପାଣ୍ଡିଆନ

ଗଞ୍ଜାମ:(କାଞ୍ଚନ ଟିଭି) ୫-ଟି ଅଧ୍ୟକ୍ଷ ଭି.କେ ପାଣ୍ଡିଆନ, ଗଞ୍ଜାମ ବେଲଗୁଣ୍ଠା ଗସ୍ତରେ ଯାଇଥିବାବେଳେ ସାମନାକୁ ଆସିଛି ଅଭାବନୀୟ ଦୃଶ୍ୟ । ପାଣ୍ଡିଆନଙ୍କ ଉପରକୁ ଟମାଟୋ ମାଡ କରିଛନ୍ତି ଜଣେ ବ୍ୟକ୍ତି। ତେବେ ଟମାଟୋ ମାଡ ପରେ ବି ଅଟକି ନଯାଇ, ବେଲଗୁଣ୍ଠାରେ ଆୟୋଜିତ ଆମ ଓଡିଶା ନବୀନ ଓଡିଶା କାର୍ଯ୍ୟକ୍ରମରେ ଜନସଭାକୁ ଉଦବୋଧନ ଦେଇଛନ୍ତି ୫- ଟି ଅଧ୍ଯକ୍ଷ । ତାଙ୍କ ଉପରେ ଟମାଟୋ ମାଡ ହେଉ ବା ଅଣ୍ତା, ଚପଲ, କାଳିମାଡ, ଗୁଳିମାଡ ହେଉ । କିଛି ପରବାୟ ନାହିଁ। ଏସବୁକୁ ତାଙ୍କର ଖାତିର ନାହିଁ । ସେ ଲୋକଙ୍କ ପାଖକୁ ଆସିବେ ଓ ଲୋକଙ୍କ ସେବା କରିଚାଲିବେ ବୋଲି ବେଲଗୁଣ୍ଠା ସଭାରେ କହିଛନ୍ତି କାର୍ଭିକ ପାଣ୍ଡିଆନ। ପାଣ୍ଡିଆନ ବିରୋଧୀଙ୍କୁ ଟାର୍ଗେଟ କରି କହିଛନ୍ତି ଅନେକ ଲୋକ ଆସିବେ, ମଞ୍ଚଉପରେ ଭାଷଣ ଦେଇ ଚାଲିଯିବେ । ମାତ୍ର ସେ ସେପରି ଲୋକ ନୁହନ୍ତି। ସବୁ ପରିସ୍ଥିତିରେ ସେ ଲୋକଙ୍କ ସେବା କରିଚାଲିବେ ବୋଲି ୫-ଟି ଅଧ୍ୟକ୍ଷ କହିଥିଲେ।