ରଚନା ଲଢିବେ ଲୋକସଭା ନିର୍ବାଚନ; ହୁଗୁଳିରୁ ରଚନା, ବରହାମପୁରରୁ ୟୁସଫ୍ ପଠାନଙ୍କୁ ଟିଏମସି ଟିକେଟ
କୋଲକାତା:(ଏଜେନ୍ସି) ଲୋକସଭା ନିର୍ବାଚନ ଲଢିବେ ରଚନା ବାନାର୍ଜୀ । ଲୋକପ୍ରିୟ ଓଡିଆ ଫିଲ୍ମ ଅଭିନେତ୍ରୀ ରଚନା ବାନାର୍ଜୀ ଚଳିତ ବର୍ଷ ଟିଏମସି ଟିକେଟରୁ ଲୋକସଭା ନିର୍ବାଚନ ଲଢିବାକୁ ଯାଉଛନ୍ତି। ମମତା ବାନାର୍ଜୀଙ୍କ ତୃଣମୂଳ କଂଗ୍ରେସ ଦଳ ରଚନାଙ୍କୁ ହୁଗୁଳି ଲୋକସଭା ଆସନରୁ ପ୍ରାର୍ଥୀ କରିଛି।
ରବିବାର ପଶ୍ଚିମବଙ୍ଗର ସମସ୍ତ ୪୨ ଲୋକସଭା ଆସନ ପାଇଁ ପ୍ରାର୍ଥୀ ଘୋଷଣା କରିଛି ଟିଏମସି I କୋଲକାତାର ଜନ ଗର୍ଜନ ସଭାରେ ୪୨ ଜଣ ପ୍ରାର୍ଥୀଙ୍କ ନାଁ ଘୋଷଣା କରିଛନ୍ତି ଟିଏମସି ନେତ୍ରୀ I ତେବେ ଏହି ୪୨ ଜଣ ଲୋକସଭା ପ୍ରାର୍ଥୀଙ୍କ ମଧ୍ୟରେ କ୍ରିକେଟର ୟୁସଫ୍ ପଠାନଙ୍କ ସହିତ ମହୁଆ ମୋଇତ୍ରୋ, ଶତ୍ରୁଘ୍ନ ସିହ୍ନା, ସୟାନି ଘୋଷ ମଧ୍ୟ ରହିଛନ୍ତି।
ତୃଣମୂଳ କଂଗ୍ରେସର ନେତ୍ରୀ ମହୁଆ ମୋଇତ୍ରୋ ପୁଣିଥରେ କ୍ରିଷ୍ଣାନଗର ଆସନରୁ ଲଢିବାକୁ ଯାଉଛନ୍ତି। ତାଙ୍କ ସହ ୟୁସଫ୍ ପଠାନ ବରହାମପୁର, ସୟାନି ଘୋଷ ଜାଦବପୁର, ଗୋପାଳ ଲାମ୍ବା ଦାର୍ଜିଲିଂ, ଅଭିଷେକ ବାନାର୍ଜୀ ଡାଇମଣ୍ଡ ହାର୍ବର ଏବଂ ଅଭିନେତା ଶତ୍ରୁଘ୍ନ ସିହ୍ନା ଆସାନସୋଲରୁ ନିର୍ବାଚନ ଲଢିବାକୁ ଯାଉଛନ୍ତି।
