ସ୍କୁଲ୍‌ ପିଲାଙ୍କ ସହ ଡ୍ୟାନ୍ସ କଲେ କ୍ୟାଟ୍ରିନା।

(କାଞ୍ଚନଟିଭି ବୁରୋ ରିପୋର୍ଟ):-ବଲିଉଡ୍‌ ଅଭିନେତ୍ରୀ କ୍ୟାଟ୍ରିନା କୈଫଙ୍କୁ କିଏ ବା ନ ଜାଣେ। ନିଜର ଲୁକ୍‌ ଏବଂ ଅଭିନୟ ପାଇଁ ସମସ୍ତଙ୍କ ହୃଦୟ ଜିତିଛନ୍ତି। ବର୍ତ୍ତମାନ ତାଙ୍କର ଅପକମିଙ୍ଗ୍‌ ଫିଲ୍ମକୁ ନେଇ ସେ ବ୍ୟସ୍ତ ଅଛନ୍ତି। ନିକଟରେ ଏହି ଅଭିନେତ୍ରୀ ମାଉଣ୍ଟେନ ଭ୍ୟୁ ସ୍କୁଲ୍‌ର ପ୍ରତିଷ୍ଠାତା ଦିବସ କାର୍ଯ୍ୟକ୍ରମରେ ଯୋଗ ଦେଇଥିଲେ। ଯେଉଁଠାରେ ସେ ସ୍କୁଲ୍‌ ପିଲାଙ୍କ ସହିତ ସାଉଥର ହିଟ୍‌ ଗୀତ ‘ମଲମ ଫିତା ’ ଗୀତରେ ଡ୍ୟାନ୍ସ କରୁଛନ୍ତି। ଯାହାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଅଭିନେତ୍ରୀଙ୍କ ଏହି ଭିଡିଓକୁ ପ୍ରଶଂସକମାନେ ପସନ୍ଦ କରିବା ସହ ଅନେକ ୟୁଜର୍ସ ପ୍ରତିକ୍ରିୟା ଦେଇଛନ୍ତି।

ଅଭିନେତ୍ରୀ କ୍ୟାଟ୍ରିନା ଗତ ବର୍ଷ ଡିସେମ୍ବର ୯ରେ ଅଭିନେତା ଭିକି କୌଶଲଙ୍କୁ ବିବାହ କରିଥିଲେ। ବିବାହ ପରେ ଦୁହେଁ ଏକାଠି କୌଣସି ଫିଲ୍ମରେ ନଜର ଆସି ନଥିବା ବେଳେ କ୍ୟାଟ୍ରିନାଙ୍କୁ ଆଗାମୀ ଫିଲ୍ମ ‘ଫୋନ୍‌ ଭୂତ’ରେ ନଜର ଆସିବେ।